ماجد فهمي يكتب

بقلم رئيس بنك التنمية الصناعية/  ماجد فهمي

وصلتنى هذه الرسالة من صديق بعنوان رساله نارية من مرشحة الرئاسة التونسية السابقة ليلي الهمامي للمصريين ردا علي البعض في الكويت ودويلة قطر .
نحن بالطبع لانستطيع التاكيد ما اذا كانت تلك الرسالة صادرة بالفعل من هذه السيدة الفاضلة ام منسوبة اليها ولكنى اعجبت جدا بصدق الكلمات وعمقها وقررت ان انشرها ليراها الجميع راجيا ان تصل الى من تجاوز حدوده وتطاول على مصر والمصريين ، وهذا نص الرسالة :

‎يا مصري .. لما حد يقولك أنت منين
‎رد عليه قوله أنا من البلد اللي فيها
‎الفلسطيني والعراقي والسوري والليبي واليمني والسوداني
عايشين فيها و مفيهاش مخيمات
قوله أنا من البلد اللي ياما كست و علمت و لبست حافيين من غير مقابل
قوله أنا من البلد اللي مفتوحه لكل اللي بيسعي علي شغل و اكل عيش مهما‏كانت جنسيته و من غير كفيل ….
قوله أنا من البلد اللي حررت أرضها بدم ولادها مطلبتش من حد يموت عشان يحررها….
قوله أنا من البلد اللي إستقبلتكم كلكم لاجئين و لما إتحرقت في العدوان الثلاثي محدش من أهلها لجأ لحد بره حدودها….
قوله أنا من البلد اللي جدودها بالدهب مدفونين ….
قوله أنا من البلد‏اللي مفيهاش عيل قفل حمام علي أبوه و خد منه الكرسي…
ولا فيها ولاد منها في الصحرا “بدون” جنسية مرميين
قوله أنا من البلد اللي آوت المسيح و أمه و نصفت يوسف بعد ما إخواته فالجُب رموه…
‎قوله أنا من البلد اللي شعبها كله جيش وجيشها خير جنود الأرض
قوله أنا من البلد اللي قامت فيها ثورتين ولسه اللي يلمس طرف
مجدي يعقوب فيها بسنانهم ياكلوه
قوله أنا من ‎مصر أم الدنيا ….

لو لم أكن تونسية لطلبت من الله أن أكون مصرية